Bu gün Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi ilə bağlı növbəti hərracını keçirib.
Hərracda 1-i kiçik dövlət müəssisəsi, 4-ü istifadəsiz qeyri-yaşayış sahəsi olmaqla 5 əmlak özəlləşdirilib.
Həmin qeyri-yaşayış sahələrindən 3-ü Bakıda (Səbail, Suraxanı və Nərimanov rayonlarında), 1-i Ağstafa rayonunda, kiçik dövlət müəssisəsi isə paytaxtda yerləşir.
Budəfəki hərrac da rəqabətli olub. Belə ki, Səbaildəki qeyri-yaşayış sahəsinin ilkin qiyməti 25 min manat olsa da, sonda 40 250 manata özəlləşdirilib.
Qeyd edək ki, istifadəsiz qeyri-yaşayış sahələrinin ümumi faydalı sahəsi 15 -124,8 kv arasında dəyişir.
Keçirilən hərracların nəticələri ilə tanış olmaq üçün aşağıdakı linkdən istifadə etmək lazımdır:
Mənbə: Report.az
