Biz hamımız bu məşhur milyarderlərin adlarını bilirik və necə varlandıqlarına az çox bələdik. Çoxumuz o, böyük yoldan özümüz də keçməyi də arzu edirik. Bəs, bu zəngin insanların harada və necə başladıqları sizi nə vaxtsa maraqlndırıbmı? Sizə bəzi məşhur milyarderlərin ilk sənətlərini təqdim edirik.
Warren Buffett
- Xalis Sərvət: $75.6 Milyard dollar
- İlk sənət: Qəzet paylayan oğlan
Warren Buffett öz milyardlıq imperisyasında işləməyə hələ oğlan uşağı olduğu vaxtlarda başlayıb: 13 yaşında onun ilk sənəti - qəzet çatdırma işi olub. Hətta həmin il Buffet öz velosiped xərclərini belə vergidən çıxıb. Daha sonra o pinbol maşını biznesi ilə məşğul olub, harada olmasından asılı olmayaraq, Buffet həmişə imkanlar və perspektivlər axtarıb. Kolleci bitirəndə onun, biznes layihələrindən $10,000 dollar mənəəti var idi. Təsadüfi deyil ki, bu gündə bu qədər insan Buffeti, investisiya məsləhəti almaq üçün axtarır.
Oprah Winfrey
- Xalis Sərvət: $3 Milyard dollar
- İlk sənət: Grocery Store Clerk
Oprah Winfrey həyatının axarını öz əlinə almış və öz taleyini özü yazan qadınlardandır – etdiyi hər şey onu daha da zəngin və yaxşı edir. Lakin o da, öz əzmkar həyatına, Nashville-də, atasının bərbər dükanın yaxınlığındakı, ərzaq dükanında başlayıb, tezliklə buranı tərk edərək, yerli radioda xəbərlər oxuyucusuna çevrilib, o zaman onun hələ 16 yaşı olardı, bu gün isə o mediada ən gülü isimlərdən biridir.
Michael Bloomberg
- Xalis Sərvət: $47.5 Milyard dollar
- İlk sənət: parkinq işçisi
Michael Bloomberg investisiya və siyası karyerasina görə daha çox tanınır, lakin bu uğura nail olmadan öncə o, parkinq servis işçisi kimi çalışıb. Orta təbəqədən olan ailənin övladı kimi, Bloomberg, kollec təhsil haqqısını özü işləyərək, ödəməli olub. Hadisələrin sonrakı gedişi, onu Harvard MBA məzunu edib. O, öz milyarderlik yolundakı startını isə Salamonda, Wall Street-də başlayıb, bu gün dünyanın ən məşhur və zəngin insanlarından biridir.
Bill Gates
- Xalis Sərvət: $86 Milyard dollar
- İlk sənət: Proqramçı
Microsoft-un Bill Gatesini kim tanımır ki? Bill Gates-in ilk sənəti TRW şirkəti üçün proqramçılıq olub, həmin dövrdə o, ali məktəbin yuxarı kurslarında oxuyurdu. O, Harvard təhsilini yarıda buraxaraq, öz arzusunun arxasınca gedir. Gates indi ABŞ-ın ən zəngin insanıdır – o sübut etdi ki, kompüter dahisi olmaq da öz mənfəətli nəticələrini verə bilər. 2008-ci ildə o, Microsoft-un gündəlik idarə etmə işlərindən uzaqlaşaraq, daha çox öz həyat yoldaşı ilə birlikdə yaratdıqları fonddakı işlər üzərində fokuslaşır, həmin fond təhsilin inkişafı, aclıq ilə mübarizə, peyvəndlərin inkişafı sahələrində fəaliyyət göstərir.
Steve Jobs
- Xalis Sərvət: $10.2 Milyard dollar (2011-ci ildə vəfatı zamanı)
- İlk sənət: HP-də yay işi
2011-ci ildə vəfatı ərəfəsində, Steve Jobsun sərvəti $10.2 milyard dollar kimi müəyyən edilmişdi. Apple təsisçisinin ilk işi, ali məktəbdə ikən HP-də çalışdığı yay işi olub, o həmin yerdə Apple-ın digər həmtəsisçisi Steve Wozniak ilə tanış olub. Apple-ın uğuruna rəğmən, Jobsun sərvətinin əsas hissəsi dijital animasiya şirkəti Pixarın 7,4 milyard dollara Disney şirkətinə satışından formalaşıb.
Jeff Bezos
- Xalis Sərvət: $72.8 Milyard dollar
- İlk sənət: McDonald's-da qrill operatoru
Amazonu təsis etmədən və kitabdan qəzet abunəliyinə qədər hər şeyi onlayn platformada satmağa başlamadan öncə Jeff Bezos, McDonald's-da qrill arxasında burqerlər hazırlayırdı. Bezos fast-food şəbəkəsində işə cəmi 16 yaşı olanda, Mayamidə başlayıb. O tez-tez deyir ki, həyatındakı ən vacib biznes dərslərindən birini məhz orada işləyərkən alıb – öz məhsulunu satıcıdan müştəriyə tez bir zamanda və zədələmədən çatdırmaq.
George Lucas
- Xalis Sərvət: $5.3 Milyard dollar
- İlk sənət: müəllim köməkçisi
George Lucas deyəndə, insanların ağlıa ikonaya çevrilmiş "Star Wars" seriyaları gəlir ki, məhz bu film onun sərvətinin formalaşmasında mühüm rol oynayıb. Lukasın kino sahəsinə gəlişi erkən olsa da, kifayət qədər təvazökar olub: ABŞ hərbi kameramanlarının müəlliminin köməkçisi kimi. Daha sonra o, Francis Coppolanın şagirdi olub və nəticədə özü bir Hollywood ikonuna çevrilib - $5.3 milyard dollar sərvət onun gərgin və yaradıcı işinin bəhrəsidir.
Nəticə
Heç də hər qəzet satıcısı və ya parkinq işçisi, və ya operator zəngin olub pul qazanmır, amma bu milyarderlərin siyahısı göstərir ki, ən əsası öz istəklərinin arxasınca getməkdir, istər bu film sahəsi olsun, istər İT və ya radio.
Könül Soltanova, Banco.az
