Sentyabrın 12-16-da Avropa İttifaqının Statistika Bürosu, BMT-nin Avropa İqtisadi Komissiyası və Avropa Azad Ticarət Assosiasiyası tərəfindən Azərbaycan milli statistika sisteminin qlobal qiymətləndirilməsi (xarici auditi) keçiriləcək. Bu barədə "Report"a Dövlət Statistika Komitəsinin mətbuat xidmətindən bildirilib.
Məlumata görə, qiymətləndirmədə məqsəd statistika sahəsində inzibati və texniki potensialın, milli statistikanın beynəlxalq standartlara, Avropa statistikasının normalar məcəlləsinə uyğunluğunun auditi nəticəsində ölkənin rəsmi statistika sisteminin inkişaf səviyyəsini yoxlamaqdır.
Beynəlxalq ekspertlər tərəfindən həyata keçiriləcək qlobal qiymətləndirmə üzrə tərtib olunmuş proqramda KİV nümayəndələri ilə sentyabrın 15-də görüş nəzərdə tutulub.
