Banco.az Mərkəzi Banka istinadən məlumat verir ki, 2015-ci ilin noyabrın 30-na Azərbaycanda genişləndirilmiş pul bazası 5 mlrd. 787,4 mln. manat təşkil edib, bu da ötən ayla müqayisədə 1 mlrd. 114,4 mln azdır.
Ötən ilin eyni dövründə bu göstərici 10 mlrd. 551.0 mln manat olub. Buradan belə qənaətə gəlmək olar ki, pul bazası 1 il ərzində təxminən 4 mlrd. 763,6 mln azalıb.
Qeyd edək ki, Pul bazası dedikdə, pul kütləsinin Mərkəzi Bank tərəfindən qısa müddət ərzində dəyişdirilə bilən hissəsi nəzərdə tutulur. Pul bazasının tərkibinə dövriyyədə olan nağd pul və bank ehtiyatları (kommersiya banklarının Mərkəzi Bankdakı müxbir hesablarının qalıqları) daxildir.
