Siyahıya Melburn başçılıq edir. Seçim faktorlarına yaşayış xərcləri, təhlükəsizlik və s. daxildir. Yaşam üçün ən yaxşı şəhərlər bizi ən keyfiyyətli yaşayışla təmin edir. “yaşam keyfiyyəti” dedikdə hər hansı bir şəhərdə individuallar, eləcə də cəmiyyət üçün təklif olunan ən yaxşı yaşayış şərtləri nəzərdə tutulur. Lakin bunu “dünyanın ən xoşbəxt” ölkələri anlayışı ilə qarışdırmaq olmaz. Ən vacib yaşam şərtlərini araşdıran müxtəlif elmlər buraya: adambaşına düşən orta aylıq əmək haqqı, ətraf mühit, fiziki və mental sağlamlıq, təhsil, asudə vaxtın dəyərləndirilməsi, infrastruktura və təhlükəsizliyi daxil ediblər. Həmçinin bu indikatorlara bəzən azadlıq, insan hüquqlarının qorunması, insan artımı və sosial mənsubiyyətləri də əlavə edirlər.

Yaşamaq üçün ən yaxşı 50 şəhər

Nəticələr göstərir ki, ən yüksək pillədəki şəhərlərin ərazisi heç də böyük deyil və seyrək məskunlaşıb. Belə şəhərlərdə cinayət halları da çox az baş verir.

Son illərdə Londonun reytinq cədvəlində yeri mənfiyə doğru dəyişib. Belə ki, şəhər sosial ixtişaşların sayı və pis nəqliyyat infrastrukturuna görə xeyli geriləyib. Son araşdırmalara əsasən London Avropada yaşanılacaq 3-cü ən pis şəhərdir.

Son beş ildə təklif etdiyi həyat standartlarında kəskin eniş olan şəhər isə bunlardır: Sank-Peterburq, Moskva, Sofiya, Tunis, Afina, Qahirə, Karakas, Kiyev, Tripoli və Dəməşqdir. Bu enişin əsas səbəbləri işsizliklə bağlı problemlər,qeyri-stabillik və yüksək zorakılıq faizi ilə əlaqədardır.