İşimiz həyatımızın önəmli hissəsini əhatə edir. İşə gedib gələrkən yolda sərf elədiyimiz və iş yerində keçirdiyimiz zamanı toplasaq günümüzün əsas hissəsini təşkil etdiyi görərik. Sərf elədiyiniz zamana günün stresin də əlavə eləsəniz keçirdiyiniz vaxt  sizin üçün dözülməz olacaqdır. Bütün bunlar bir müddət sonra yorğunluğun artmasına səbəb olur. Bu işdən bezmə, iş qabiliyyətinin aşağı düşməsi və depresiya ilə nəticələnə bilər.

İşçilərə qarşı səbirsizlik, dözümsüzlük və qarşıdurmalar, problemləri həll edəcək enerjinin olmaması - bütün bunları aradan qaldırmaq və ya azaltmaq üçün istirahət eləməyə ehtiyacınız olur. İstirahət  zamanını əyləncəli etmənin başlıca yolu hobbilərlə məşğul olmaqdır. Hərkəsin maraq göstərdiyi və etməkdən zövq aldığı şeylər var. Balıq tutmaqdan kinoya geyməyə, idman etməkdən rəqs etməyə qədər bir çox hobbi sahəsi vardır. Hobbilərinizlə məşğul olmaq üçün müəyyən zaman ayırmaq lazımdır. Bunun sayəsində həm iş stresindən qurtularsınız, həm də  işdən kənar bir müddətdə özünüzü ifadə edərək özgüvəninizi artıra bilərsiniz. Qrupla birlikdə edilən hobbilər insanlar arasındakı əlaqəni  gücləndirir. Hobbi sahibi olmaq iş müsahibələrində də sizi bir addım önə gətirər. Günümüzdə işdən kənar sahələrdə də özünü ifadə edəbilən insanlar işsahibləri tərəfindən xüsusilə üstün tutulur. Hobbiyə vaxt var? Onsuz gün ərzində işdə çox yoruluruq! - kimi narazılıqlarla qarşılaşa bilərik. Lakin zamanı sistemləşdirib hobbilərlə maraqlanmağa başlasanız, həm vaxtınızın, həm də enerjinizin çata biləcəyini görəcəksiniz.