Lombard krediti dedikdə, insanların ağlına ilk olaraq, qızıl və digər zinət əşyalarını qoyaraq götürdükləri borc pul gəlir. Pulunu qaytardıqda, öz əşyalarını da geri ala bilirsən. Bu zaman qızıl borcun alınması üçün təminat qismində çıxış edir. Borcunu qaytara bilməsən, girovu itirirsən. Bu  fəaliyyət növü ilə ənənəvi olaraq, xüsusi lombard müəssisələri məşğul olurdu. İndi isə Banklar da oxşar xidməti, lakin daha sərfəli və etibarlı şərtlər ilə təqdim edirlər.  

İstənilə halda qızıllarını hər-hansı bir köşkdə oturan, hansı fəaliyyət sahəsi ilə məşğul olduğu bəlli olmayan, tanımadığın birinə etibar etməkdənsə banka etibar etmək daha məntiqlidir. Həm də banka etdiyin aylıq ödənişlər, sənin borcunun azalmasına gətirib çıxarır. Lombard müəssisələrində isə borc öz yerində qalır.

Lakin hal-hazırda banklar heç bir krediti iş yerindən arayış və gəlirləri sübut edən sənədlər olmadan vermir, bu sıraya lombard kreditləri də daxildir.

Digər kredit növləri ilə müqayisədə lombard kreditlərində faizlər daha yüksək olur.

Banklar özlərini riskə atmamaq üçün daha təminatlı və likvid aktivlər hesab olunan qızıl vəsaitlərinin və digər qiymətli daş-qaşların girovu altında kredit verməyə üstün tuturlar. Digər tərəfdən bunları əsasən zəif kapital bazası olan, bazardakı payları o qədər də güclü olmayan banklar təşkil edir.

Ölkəmizdə lombard kreditləri sahəsində xüsusən fərqlənən Parabankdır. Parabank həm marketinq fəaliyyəti ilə məhsulun satışında rəqiblərini qabaqlayır, həm də girov qoyulmuş əmlakın 2 qat dəyəri həcmində kredit təklif etməsi baxımından müştərilər üçün daha cəlbedicidir.

Əsasən banklarımızda lombard kreditlərinin əldə edilməsi üçün tələb olunan sənədlər bunlardır:

• Kredit sifarişi haqqında ərizə;
• Borcalanın şəxsiyyətini təsdiq edən sənəd;
• Borcalanın kredit tarixi barədə Mərkəzləşdirilmiş Kredit Reyestrindən arayış;
• Bir borcalanla və ya bir-biri ilə əlaqədar borcalanlarla bağlı cəmləşmə riski barədə məlumat (belə hal baş verdikdə);
• Borcalanın gəlirləri barədə sənəd;
• Mövcud qanunvericiliyə uyğun olaraq girov predmetinin qiymətləndirilməsi tarixi, metodu, qiymətləndirici göstərilməklə qiymətləndirmənin nəticələri barədə hesabat.

Sizi bazardakı aktiv lombard kredit təklifləri ilə tanış etmək istərdik: