Müəllif:Mehin Qasımova,Banco.az
"Tesla" Çində yeni, uzun təkər bazalı və altı oturacaqlı "Model YL" modelini satışa çıxarıb. Qiymətlər 339 min yuandan (təxminən 47 184 ABŞ dolları) başlayır.
Bu versiya markanın ən çox satılan "Model Y" avtomobilinin daha iri ölçülü variantıdır.
Banco.az xəbər verir ki, şirkətin açıqlamasına görə, modelin təqdimatı "Tesla"nın Çinin elektrikli avtomobil bazarında rəqabət gücünü artırmaq və daha çox ailəvi komfort axtaran müştərilərə müraciət etmək məqsədi daşıyır.
Yeni "Model YL" 751 kilometr uçuş məsafəsinə malikdir. Avtomobilin boş çəkisi 2 086 kiloqramdır və o, Koreyanın LG Energy Solution şirkətinin litium-ion batareyaları ilə təchiz olunub. Daha geniş daxili sahə isə onu xüsusilə altı oturacaqlı SUV seqmentinə maraq göstərən Çinli alıcılar üçün cəlbedici edir.
Model, ön oxda 142 kVt, arxa oxda isə 198 kVt güc istehsal edən ikili elektrik mühərriki ilə işləyir. Bu da ümumilikdə 340 kVt (456 at gücü) güc deməkdir.
"Tesla"nın qlobal bazarda satış enişlərinə və CEO İlon Maskın siyasi mübahisələrinə baxmayaraq, "Model Y" Çində uğurlu nəticələr göstərib. Yalnız 2024-cü ildə yarım milyona yaxın avtomobil satılaraq, bu model ölkənin ən çox satılan avtomobillərindən birinə çevrilib.
