ABŞ prezidenti Donald Tramp Avropa İttifaqına 50 faiz idxal rüsumunun tətbiq edilməsini tövsiyə edib.

Banco.az xəbər ki, bu barədə prezident  Truth Social sosial şəbəkəsindəki səhifəsində yazıb.

"Onlarla müzakirələrimiz heç bir nəticə vermir! Ona görə də mən 2025-ci il iyunun 1-dən Avropa İttifaqı üçün 50 faizlik birbaşa tariflərin tətbiqini tövsiyə edirəm", - o deyib.

Trampın sözlərinə görə, Avropa İttifaqının yaradılmasının əsas məqsədlərindən biri ticarətdə ABŞ-dan üstünlük əldə etmək olub. ABŞ Ticarət Nümayəndəsi Jamison Greer-in ofisinin məlumatlarına görə, 2024-cü ildə Amerika və Aİ arasında ticarət kəsiri 235,6 milyard dollara (üstəgəl 12,9 faiz) yüksəlib. Tariflər bu uyğunsuzluqları kompensasiya etmək üçün nəzərdə tutulub. Bununla belə, Tramp xatırladıb ki, Avropa şirkətləri öz məhsullarını ABŞ-da istehsal etsələr, rüsum ödəməli olmayacaqlar.

Mayın əvvəlində məlum olub ki, Avropa İttifaqı təxminən 100 milyard avro dəyərində Amerika mallarına əlavə rüsumlar tətbiq etməyə hazırlaşır.  Vaşiqtonla davam edən ticarət danışıqları qənaətbəxş nəticə verməsə, Brüssel belə bir addım atacaq . Hələlik, davam edən danışıqlar kontekstində Avropanın 380 milyard avroluq ixracatının demək olar ki, 70 faizinə təsir edən tariflərin əksəriyyətinin qüvvədə qalacağı gözlənilir.