Müəllif: Tamara Mustafayeva, Banco.az
ABŞ-da işsizlik müavinəti üçün müraciətlər artıb.
Banco.az xəbər verir ki, ABŞ-da ilk dəfə işsizlik müavinəti üçün müraciət edənlərin sayı 26 aprel ilə başa çatan həftədə 241 minə yüksəlib və bu göstərici bazar proqnozlarını üstələyib.
Bu dövrdə işsizlik müavinəti müraciətləri son 9 həftənin ən yüksək səviyyəsinə çatıb. Analitiklərin bu göstərici üçün gözləntisi isə 223 min idi.
Əvvəlki həftənin işsizlik müavinəti müraciətləri göstəricisi 222 mindən 223 minə yenidən nəzərdən keçirilib.
Son həftə etibarilə 4 həftəlik orta göstərici 5.500 nəfər artaraq 226 minə yüksəlib.
19 aprel ilə bitən həftədə davam edən işsizlik müavinəti müraciətləri 83 min artaraq 1 milyon 916 minə çatıb və bu, noyabr 2021-dən bəri qeydə alınan ən yüksək səviyyə olub.
Bizi sosial şəbəkələrdən izləyin!!
