Azərbaycanın aparıcı korporativ maliyyə institutu “PAŞA Bank” nüfuzlu “Global Finance” nəşri tərəfindən təqdim edilən “World’s Best Private Banks 2025” mükafatlarının qaliblərindən biri olaraq tanınıb. 2024-cü ildə də eyni nominasiyada qalib olan Bank yüksək gəlirli şəxslərə göstərdiyi müstəsna maliyyə xidmətlərinə görə bu mükafatla təltif olunub.
“PAŞA Bank”ın özəl və fərdi bankçılıq üzrə baş direktoru Aqşin Mirzəzadə bildirib ki, “CustomerFirst” yanaşması Bankın fəaliyyətinin mərkəzində duran əsas prinsipdir. "PAŞA Bank"ın təkrarən laureatlar siyahısında olması onun müştərilərinə fərdi bankçılıq sahəsində dayanıqlı və yüksək səviyyəli xidmət təqdim etdiyini sübut edir.
“Bankımızın “CustomerFirst” təşəbbüsü və müştəri mərkəzliliyi həmişə uğurumuzun təməl dəyəri olub. Bu baxımdan, dünyanın ən yaxşı özəl bankları arasında yer almaq “PAŞA Bank”ın növbəti nailiyyətidir. Müştərilərimizin ehtiyacları və arzuları hər zaman bizim üçün prioritet təşkil edir. Biz, yüksək gəlirli şəxslərin unikal ehtiyaclarını anlamağa davam edərək, onların maliyyə uğurlarını və uzunmüddətli rifahını təmin etmək üçün çalışırıq,” - deyə, Mirzəzadə qeyd edib.
Özəl və fərdi bankçılıq üzrə baş direktor bildirib ki, Bank “CustomerFirst” müştəriyönümlü yanaşmasını daha da gücləndirərək mükəmməl, innovativ və etibarlı bank təcrübəsi yaratmağa davam edəcək.
Mükafata, 1 iyul 2023-cü il və 30 iyun 2024-cü il tarixləri arasındakı dövrdə yüksək gəlirli müştərilərin xüsusi ehtiyaclarını ən yaxşı şəkildə qarşılamağı bacaran banklar layiq görülüb. Mükafatların təqdimatı mərasimi 19 mart 2025-ci il tarixində Nyu-Yorkda keçirilib.
Qeyd edək ki, 2010-cu ildə fəaliyyətə başlayan “PASHA Private Banking” Azərbaycan bazarında yüksək gəlirli şəxslər üçün xidmət göstərən ilk qurumdur və son illər ərzində bir sıra fərqli məhsullarla bazarda çıxış edib. Həmin ildən etibarən özəl bankçılıq seqmentində beynəlxalq təcrübəni təqdim edir, müştərilərə üst səviyyə xidmət və premium məhsulları, o cümlədən Azərbaycanda və ölkə xaricində investisiya, sərvətin idarə edilməsi, hər bir müştəri üçün risk profilinə uyğun xüsusi hazırlanmış xidmətləri ilə bazarda daim seçilir. Fəaliyyəti nəticəsində əldə etdiyi uğurlara görə fərqli illərdə “PASHA Private Banking” nüfuzlu beynəlxalq mükafatlar, o cümlədən “Ən yaxşı Private Banking xidmətləri təqdim edən bank”, “Ən yaxşı investisiya bankı” və “Ən yaxşı bank qrupu” nominasiyalarında fərqləndirilib.
“PASHA Private Banking” xidmətləri haqqında ətraflı məlumat almaq və təklif etdiyi üstünlüklərdən və imtiyazlardan yararlanmaq üçün bu linkə keçid edin.
