Müəllif - Fərid İslamov - Banco.az
ABŞ-da uzunmüddətli ipoteka kreditləri üzrə orta faiz dərəcəsi keçən həftə 1 baza bəndi azalaraq enib, bunu İpoteka Bankirləri Assosiasiyası (MBA) məlumat verib.
21 martda başa çatan həftə ərzində ev almaq üçün 30 illik kreditlər üzrə orta illik faiz dərəcəsi 6,71% təşkil edib. Bir həftə əvvəl bu göstərici 6,72% idi.
Əvvəlki həftədə faiz dərəcəsi iki ay ərzində ilk dəfə artım göstərmişdi. Ötən il eyni dövrdə isə bu göstərici 6,93% səviyyəsində idi.
ABŞ-da keçən həftə ipoteka kreditləri üçün müraciətlərin sayı 2% azalıb, bir həftə əvvəl isə bu göstərici 6,2% azalmışdı.
O cümlədən, yeni ev almaq üçün müraciətlərin sayı 1% artıb, lakin mövcud ipotekanın yenidən maliyyələşdirilməsi üçün müraciətlərin sayı isə 5% azalıb.
