Müəllif: Mehin Qasımova /Banco.az
2024-cü ilin sonuna qədər qlobal borc 318 trilyon dollara çataraq rekord həddə çatıb.
Banco.az xəbər verir ki, bu barədə Bloomberg Beynəlxalq Maliyyə İnstitutu məlumat verib.
Ekspertlər bildiriblər ki, son 12 ayda qlobal borc 7 trilyon dollar artıb. Hesabat dövründə ümumi borcun ümumi daxili məhsulda xüsusi çəkisi də artıb.
Analitiklər son dörd ildə ilk dəfə belə dinamikanı qeydə alıblar. Əsas səbəblərdən biri kimi qlobal iqtisadi artımın yavaşlaması göstərilib.
2025-ci ildə analitiklər dövlət borclarının yüksək səviyyədə qalacağını gözləyirlər. Eyni zamanda, qlobal temp ortamüddətli perspektivdə tədricən aşağı düşəcək.
Bundan əvvəl “Fox Business” ekspertlərin proqnozlarına istinad edərək , ABŞ-ın dövlət borcunun yaxın onillikdə rekord həddə - 54 trilyon dollara çata biləcəyini bildirib. Birləşmiş Ştatlar hökumətinin cari borcunun təxminən 36,5 trilyon dollar olduğu təxmin edilir.
Analitiklər xəbərdarlıq edirlər ki, uzunmüddətli perspektivdə dövlət borcunun artması problemi qlobal miqyasda ölkənin iqtisadi mövqeyini təhdid edə bilər.
