Müəllif:Ayşən İmanova/Banco.az

Gürcüstanın ÜDM-i 2024-cü ildə 9% artıb, bu il isə ölkə iqtisadiyyatı daha çox arta bilər.

Banco.az xəbər verir ki, bunu ölkənin baş naziri İrakli Kobaxidze deyib.

“İqtisadiyyat artır, biz keçən ili çox müsbət göstərici ilə başa vurduq, il ərzində 9% iqtisadi artım əldə etdik. Ümid edirik ki, 2025-ci ildə də ən azı eyni nəticəni təkrarlayacağıq. Biz istəyirik ki, bu il bu rəqəm daha da yüksək olsun və bunun üçün perspektiv var”, - deyə o qeyd edib.

Gürcüstan hakimiyyətinin rəsmi proqnozuna görə, bu il ölkənin ÜDM-i inflyasiyanın 1%-ə enməsi ilə azı 6% artacaq.

BVF-nin proqnozuna görə, 2025-ci ildə Gürcüstanda ÜDM-in artımı 6%-ə qədər yavaşlayacaq, Dünya Bankı da eyni qiymətləndirməyə sadiqdir, BMT - 5,4%, Avropa Komissiyası - 5,8%, AYİB - 4,6% , Asiya İnkişaf Bankı - 5,5%, “Fitch” reytinq agentliyi - 5,3% artım gözləyir.

Xatırladaq ki, 2023-cü ildə ölkədə iqtisadi artım 7,8%, 2022-ci ildə isə 10,4% təşkil edib.