Müəllif: Tamara Mustafayeva, Banco.az
Avropa İttifaqında (Aİ) sabahdan etibarən yeni smartfonlar, planşetlər və kameralar kimi elektron cihazlar üçün USB-C şarj portları məcburi olacaq.
Banco.az xəbər verir ki, tullantıları azaltmağı hədəfləyən və USB-C, Micro USB və Lightning kimi müxtəlif elektron cihazların fərqli şarj portlarını uyğunlaşdıracaq Aİ-nin vahid şarj qaydası dekabrın 28-dən etibarən qüvvəyə minəcək.
Yeni qaydaya əsasən, Aİ ölkələrində portativ elektron cihazlar üçün yeni standart şarj portu USB-C olacaq. Bu da o deməkdir ki, bütün yeni smartfonlar, planşetlər, rəqəmsal kameralar, qulaqlıqlar, portativ video oyun konsolları, dinamiklər və klaviaturalarda USB-C şarj portu olmalıdır.
Bundan əlavə, elektron cihazların sürətli şarj sistemləri də bir-birinə uyğun olacaq.
Qeyd edək ki, USB-C qaydası 28 aprel 2026-cı ildən başlayaraq noutbuklara da şamil ediləcək.
Bizi sosial şəbəkələrdən izləyin!!
