Müəllif:Ayşən İmanova/Banco.az
Braziliya realının dollara qarşı məzənnəsi tarixi minimuma çatıb, çünki ölkənin mərkəzi bankının əhəmiyyətli müdaxilələri yenə də hökumət xərcləri ilə bağlı bazar narahatlığını aradan qaldıra bilməyib.
Banco.az xəbər verir ki, bu barədə “Reuters” agentliyi məlumat yayıb.
Bazar ertəsi Braziliya milli valyutasının məzənnəsi bir dollar üçün 6,09-a düşüb ki, bu da bütün müşahidələr tarixində mütləq minimumdur. İlin əvvəlindən real dollara nisbətdə 26% ucuzlaşıb - bu göstəriciyə görə Braziliya realı inkişaf etməkdə olan bazar valyutaları arasında ən pis göstəricilərdən birinə çevrilib.
Qeyd edək ki, Braziliya realı ölkə prezidenti Luis İnasio Lula da Silva administrasiyasının balanslaşdırılmış büdcəni təmin etmək üçün çoxdan gözlənilən tədbirləri açıqlamasından sonra ucuzlaşmağa başlayıb. Bu tədbirlərə xərclərin 12 milyard dollar azaldılması, ən aşağı əmək haqqı alanların fərdi gəlir vergisindən azad edilməsi və yüksək gəliri olanlar üçün verginin artırılması daxildir.
