Müəllif:Gülbəniz Hüseynli/Banco.az

Bitcoinin qiymətinin 100 min ABŞ dollarını keçməsi həm kriptovalyuta bazarı, həm də qlobal iqtisadiyyat üçün bir sıra təsirlər yarada bilər.

Analitiklər qeyd edir ki, 100 min 000 dollar səviyyəsi bitcoin üçün əhəmiyyətli bir psixoloji baryerdir.

Kripto analitik “Anthony Pompliano” vurğulayıb ki, bu səviyyəyə çatmaq bitcoin üçün yeni bir era başlayacaq.

“Qiymətin artması həm fərdi, həm də institusional investorların marağını daha da artıracaq."

“Fairlead Strategies”in analitiki “Katie Stockton” isə düşünür ki, 100,000 dollarlıq səviyyə böyük həcmdə alış-satış əməliyyatlarına səbəb olacaq. O hesab edir ki,  qısamüddətli dalğalanmalar qaçılmazdır.

Ekspertlər hesab edir ki, bitcoinin yüksək qiyməti dövlətlərin və mərkəzi bankların daha sərt tənzimləmələr tətbiq etməsinə gətirib çıxara bilər.

“MicroStrategy”nin CEO-su “Michael Saylor” bu barədə açıqlamasında deyib ki, bitcoin-in qiymət artımı, xüsusilə 100,000 dolları keçməsi, ABŞ və digər ölkələrin kripto tənzimləmələrinə daha çox diqqət ayırmasına səbəb olacaq.

ABŞ senatı üzvü “Elizabeth Warren” isə bu məsələnin qanunvericilik üçün narahatlıq yaratdığı qənaətindədir:

"Bitcoin bu qədər yüksəlirsə, bu, qanunvericilər üçün ciddi narahatlıq doğurur. Enerji istifadəsi və çirkli pulların yuyulması məsələləri yenidən diqqət mərkəzində olacaq."

Bitcoinin yüksək qiymət səviyyəsinə çatması daha çox insanı bu bazara daxil olmağa təşviq edə bilər. Mütəxəssislər düşünür ki,  kriptovalyutaların bu qədər populyarlaşması tənzimləmə qurumlarının diqqətini daha çox çəkəcək. Daha sərt qanunlar qəbul edilə bilər.

Qiymətin bu qədər artması, böyük satış dalğalarına səbəb ola bilər ki, bu da qiymətdə kəskin dalğalanmalara gətirib çıxara bilər.

Tesla-nın CEO-su Elon Musk isə düşünür ki,  əgər bitcoinin enerji istifadəsi yüksək olsa da, bu problemi həll etmək üçün bərpa olunan enerji mənbələrinin rolu artmalıdır.

Ümumiyyətlə, bitcoin-in 100,000 dollarlıq səviyyəni keçməsi qlobal maliyyə və kriptovalyuta bazarları üçün böyük bir dönüş nöqtəsidir. Bu, həm investorlar, həm də hökumətlər üçün yeni imkanlar və çağırışlar yaradacaq. Analitiklərin fikrincə, bu hadisə bazar iştirakçılarının strategiyalarında böyük dəyişikliklərə səbəb olacaq.