Müəllif: Tamara Mustafayeva, Banco.az
Qlobal ərzaq idxalının 2024-cü ildə ötən illə müqayisədə 2,2 faiz artaraq 2 trilyon dolları keçəcəyi gözlənilir.
Banco.az xəbər verir ki, Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) Ərzaq Monitorinqi Hesabatına görə, bu il kakao, qəhvə və çay qiymətlərində, meyvə-tərəvəz idxalı qiymətlərində artım var.
Bu artımlar qlobal ərzaq idxalı fakturasının bu il 2023-cü ilə nisbətən 2,2 faiz artımla 2 trilyon dolları keçməsində təsirli olacaq.
Bu il kakao, qəhvə və çay idxal xərclərinin 22,9 faiz artacağı proqnozlaşdırılır ki, bu məhsulların bahalaşmasına hava şəraiti və logistik problemlər səbəb olur.
Qeyd edək ki, bu il kakaonun qiyməti ötən 10 illik orta göstəricidən təxminən 4 dəfə artarkən, qəhvə qiymətləri iki dəfə artıb. Çayın qiyməti uzunmüddətli orta qiymətdən 15 faiz yuxarı qalxıb.
Bizi sosial şəbəkələrdən izləyin!!
