Müəllif:Ayşən İmanova/Banco.az
Almaniyanın “Siemens” şirkəti Amerikanın informasiya texnologiyaları şirkəti “Altair Engineering”i 10 milyard dollara aldığını elan edib.
Banco.az xəbər verir ki, bu barədə şirkətin bəyanatında deyilir.
"Siemens” sənaye modelləşdirmə və analiz bazarında aparıcı proqram təminatçısı olan “Altair Engineering”i almaq üçün müqavilə imzalayıb. “Altair” səhmdarları hər bir səhm üçün 113 dollar alacaqlar ki, bu da təqribən 10 milyard dollarlıq müəssisə dəyərini əks etdirir", - məlumatda deyilir.
Satınalma sayəsində “Siemens" aparıcı texnologiya şirkəti kimi mövqeyini və sənaye proqram təminatında aparıcı rolunu gücləndirəcək. Şirkətin müqavilənin bağlanışdan sonrakı ikinci ildən etibarən səhm üzrə qazancı artıracağı gözlənilir.
Bildirilib ki, müqavilənin başa çatması normal şərtlərlə həyata keçirilir və 2025-ci ilin ikinci yarısında planlaşdırılır.
Xatırladaq ki, “Altair Engineering” 1985-ci ildə yaradılıb və 2017-ci ildə ictimaiyyətə təqdim edilib. Şirkətin 3,5 mindən çox işçisindən 1,4 minə yaxını tədqiqat və inkişaf sahəsində çalışır.
