Müəllif: Gülnar Əhmədli, Banco.az
AccessBank 2024-cü ilin yanvar-sentyabr aylarında əsas göstəricilər üzrə dinamik artım nümayiş etdirib.
Banco.az bankın maliyyə göstəricilərinə istinadən xəbər verir ki, AccessBank-ın xalis mənfəəti 2023-ci ilin eyni dövrünün nəticəsi ilə müqayisədə 12 milyon 145 min manat və ya 41,4% artaraq 41 milyon 454 min manata çatıb.
Bankın aktivləri ötən ilin sonu ilə müqayisədə 72 milyon 229 min manat və ya 5,2% artaraq bu ayın əvvəlinə 1 milyard 464 milyon 516 min manat təşkil edib.
Bankın kredit portfeli 107 milyon 884 min manat və ya 10,6% artaraq 30 sentyabr tarixinə 1 milyard 121 milyon 649 min manata yüksəlib. Depozit portfelinin həcmi isə 1 milyard 49 milyon manat təşkil edib.
Bizi sosial şəbəkələrdən izləyin!!
