Müəllif:Ayşən İmanova/Banco.az
Almaniyada milyarderlərin sayı son bir ildə 23 nəfər artaraq 249-a çatıb.
Banco.az xəbər verir ki, bu barədə “Manager Magazine” nəşri məlumat yayıb.
Jurnalın apardığı araşdırmaların nəticələrinə əsasən, bu, nəşrin müvafiq qiymətləndirmələri aparmağa başladığı 2001-ci ildən bəri qeydə alınan ən yüksək göstəricidir.
Ötən ildən etibarən ilk 500 iş adamının sərvəti 53 milyard avro artaraq 1,1 trilyon avroya çatıb ki, bu da yeni rekorddur. Almaniyada ən varlı şəxslərin siyahısına “Lidl” və “Kaufland” supermarketlərinin təsisçisi Dieter Şvarts başçılıq edir. Ümumi sərvəti 43,7 milyard avro olan Şvarts “BMW”nin varisləri Susan Klatten və Stefan Quandtı (34,4 milyard avro) siyahının zirvəsindən kənarlaşdıraraq ilk pillədə yer alıb.
Qeyd edək ki, “Manager Magazine” nəşri qiymətləndirməni apararkən arxiv və pay sənədlərinə, sərvət və mülk idarəçilərinin, vəkillərin və bankların məlumatlarına əsaslanır.
Bizi sosial şəbəkələrdən izləyin!!
