Müəllif:Gülbəniz Hüseynli/Banco.az
Bir neçə müddətdir Rusiya valyutası zəifləməyə davam edir.
Moskva birjasında keçirilən hərraclardan sonra Rusiya Mərkəzi Bankının müəyyən etdiyi rəsmi yuan/rubl məzənnəsi 5,12 qəpik artaraq 13,14-ə çatıb.
Məlumata görə, dolların məzənnəsi 1,94 qəpik artaraq 92,40 olub. Ehtimalın yüksək olması ilə tendensiyanın oktyabr ayında da davam edəcəyi gözlənilir.
Banco.az xəbər verir ki, bu barədə iqtisadçılar düşünür ki, ABŞ-nin ikinci dərəcəli sanksiyalarından qorxan Çin bankları vasitəsilə ödənişlərlə bağlı həll olunmayan problem səbəbindən idxal daha da azalacaq. Ekspertlər düşünür ki, Rusiya Federasiyasının xarici ticarəti təkcə böyük deyil, davamlı olaraq artan müsbət saldoya malikdir. Rusiya Mərkəzi Bankının rəhbərləri dəfələrlə bəyan ediblər ki, bu cür disbalans məzənnə üçün pis haldır.
Alfa-Forex-in müştərilərə dəstək və satış şöbəsinin rəhbəri Aleksandr Şnayderman məsələ ilə bağlı açıqlama verib.O bildirib ki, rublun indiki zəifləməsi, əsasən, dünya miqyasında dolların güclənməsi ilə əlaqələndirilir:
“Federal Rezerv Sistemi son 4,5 ildə ilk dəfə əsas faiz dərəcəsini aşağı saldığı üçün (4,75-5%-ə qədər), ucuz kreditlər səbəbindən ABŞ valyutasına tələbat artır.
Hazırda enerji daşıyıcılarının dəyəri ilə rubl məzənnəsi arasında birbaşa asılılıq Qərbin tətbiq etdiyi "qiymət tavanı" səbəbindən xeyli zəifdir. Brent markalı neftin qiymətlərinin oktyabr ayında artacağını istisna etmək olmaz. Təbii ki,bu, Rusiya valyutasına müəyyən təsir göstərə bilər”.
Rusiya Elmlər Akademiyasının İqtisadiyyat İnstitutunun baş elmi işçisi İqor Nikoleyov isə düşünür ki, rublun zəifləmə tendensiyası fundamental səbəbdən davam edəcək:
“Oktyabrın sonuna yaxın dolların məzənnəsi 94 rubldan bir az az olacaq və ya bu səviyyədə qalacaq. Mən kəskin sıçrayışlar gözləmirəm”.
Markets analitik departamentinin rəhbəri Artyom Deev isə qeyd edib ki, Rusiya iqtisadiyyatı üçün əsas amil enerji daşıyıcılarının qiyməti olub və qalmaqdadır:
“Oktyabr ayında neft-qaz resurslarının qiymətlərinin artması ehtimalı səbəbindən rublun devalvasiyası ehtimalı azdır. İlkin qiymətləndirmələrə görə, oktyabr ayında yuanın məzənnəsi 13 rubla, dolların məzənnəsi isə 90 rubla qədər düşə bilər”.
