Müəllif: Tamara Mustafayeva, Banco.az
Beynəlxalq Valyuta Fondunun (BVF) araşdırması göstərib ki, ölkələr süni intellektin potensial faydalarından faydalanmağa və riskləri idarə etməyə hazır olmanın müxtəlif mərhələlərindədir.
Banco.az xəbər verir ki, BVF “Dünyanın Süni İntellektə Hazırlığının Xəritələşdirilməsi proqnozların fərqli olduğunu göstərir” adlı bloq məqaləsi dərc edib.
Məqalədə bildirilir ki, süni intellekt məhsuldarlığı yüksəldə, iqtisadi artımı stimullaşdıra və gəlirləri artıra bilər. Bununla belə, bu texnologiyanın milyonlarla işi sıradan çıxarma və bərabərsizliyi artırma potensialı var.
Məqalədə vurğulanır ki, BVF-in yanvar ayında dərc etdiyi araşdırma süni intellektin qlobal iqtisadiyyatı necə yenidən formalaşdıracağını göstərir. Bildirilib ki, süni intellekt inkişaf etmiş ölkələrdə iş yerlərinin 33 faizini, inkişaf etməkdə olan ölkələrdə 24 faizini və aşağı gəlirli ölkələrdə 18 faizini təhlükə altına qoya bilər.
Məqalədə deyilir ki, ölkələrin süni intellektə nə dərəcədə hazır olduğunu ölçmək çətindir, çünki qismən AI-nin iqtisadiyyata inteqrasiyası üçün institusional tələblər aydın deyil. Bildirilib ki, BVF-in xəritəsi müxtəlif ölkələrin süni intellektin potensial faydalarından yararlanmağa və riskləri idarə etməyə hazırlığın müxtəlif mərhələlərində olduğunu göstərir.
Bizi sosial şəbəkələrdən izləyin!!
