"WhatsApp"da yeni qadağa | Banco.az

Error message

Warning: Use of undefined constant php - assumed 'php' (this will throw an Error in a future version of PHP) in include() (line 129 of /home/bancoaz/public_html/sites/all/themes/nbancoaz/templates/node--article.tpl.php).

"WhatsApp"da yeni qadağa

Müəllif:Ayşən İmanova/Banco.az

“WhatsApp” “iPhone”da skrinşot çəkməyi qadağan edib.

Banco.az xəbər verir ki, “WhatsApp” tərtibatçıları messencerdə istifadəçi profillərinin skrinşotlarının yaradılmasının qarşısını alan yeni funksiya tətbiq ediblər.

Hələlik yenilik yalnız “iPhone” üçün 24.10.10.70 nömrəsi altında “WhatsApp”ın beta versiyasında işləyir. Tətbiqin bu versiyasının istifadəçiləri başqasının profilinin skrinşotunu çəkməyə çalışarkən, bu hərəkətin qadağan olunduğu barədə xəbərdarlıq alırlar.

“Skrinşot bloklanıb. “WhatsApp” istifadəçilərinin məxfiliyini qorumaq üçün bu skrinşot bloklanıb”, – bildirişdə deyilir.

Bu funksiya başqa insanların profil fotolarından istifadə edən fırıldaqçıların ümumi təcrübəsi ilə mübarizə aparmaq üçün nəzərdə tutulub. Yeni funksiya skrinşot çəkmək imkanını bloklasa da, smartfon kamerası ilə bir cihazın ekranından çəkilmiş fotoşəkillərdən istifadəçi profillərini qoruya bilməyəcək.

Yaxın gələcəkdə yeniliyin tətbiqin bütün versiyalarına və bütün dəstəklənən platformalara şamil ediləcəyi gözlənilir, lakin funksiyanın istifadəyə verilməsinin dəqiq vaxtı açıqlanmayıb.

Bizi sosial şəbəkələrdən izləyin!!

Facebook

Instagram

Telegram