Müəllif:Mehin Qasımova/Banco.az
Nikelin qiyməti Çindəki problemlər səbəbindən il ərzində 44 faiz azalıb.
Banco.az xəbər verir ki, bu barədə Bloomberg məlumat yayıb.
2023-cü ilin sonunda nikel metallar arasında ən çox ucuzlaşıb. İl ərzində onun London birjasında qiyməti 44,7 faiz ucuzlaşıb ki, bu da 2008-ci ildən bəri ən böyük eniş olub.
İkinci ən çox ucuzlaşan metal sink olub. Mis 3 faiz, filiz isə 20 faiz bahalaşıb.
Bu dinamikanın səbəbi Çin iqtisadiyyatı ilə bağlı problemlər olub. Qlobal nikel tədarükü artmaqda davam edir, lakin istehlak öz artım trayektoriyasına çata bilmir.
Qeyd edək ki, Çin iqtisadiyyatındakı problemlər Çin fond bazarında ardıcıl üçüncü illik enişə səbəb olub. 2023-cü ilin son aylarında Çin fond bazarına xarici investisiyalar avqustda 33 milyard dollardan 4,4 milyard dollara qədər azalıb.
Bizi sosial şəbəkələrdən izləyin!!
