Müəllif:Gülbəniz Hüseynli/Banco.az
Dekabrın 5-də Moskva birjasında avronun məzənnəsi yüksələrək 99,235 rubla çatıb. Bu noyabrın 7-dən bəri ən yüksək səviyyə hesab edilir.
Banco.az bildirir ki, bir dollar qarşılığında 88 rublda dayanan Rusiya valyutası dekabrda yenidən ucuzlaşmağa başladı. Hazırda dolların məzənnəsi isə 91,5 rubl təşkil edir.
Ekspertlər rublun yenidən zəifləməsinin səbəblərini bir çox amillərlə əsaslandırmağa çalışıblar.
Ümumiyyətlə, istər texniki, istərsə də irrasional olan səbəblərə görə, rublun məzənnəsi onilliklər ərzində zəifləmə istiqamətində yoluna davam edib.
Noyabrdakı proqnozlar dekabrda özünü doğrultmadı
Rusiya maliyyə naziri Anton Siluanov noyabrın əvvəlində bildirmişdi ki, məzənnə sabitləşib və hazırkı parametrlər daxilində qalacaq. Onun sözlərinə görə, burada hökumətin həyata keçirdiyi valyuta nəzarəti tədbirləri mühüm rol oynayıb.
Öz növbəsində, Sberbank-ın rəhbəri German Qref rublun əsas məzənnəsini bir dollar üçün 85-90 səviyyəsində müəyyən edib:
“Bizim rublun bu səviyyədən aşağı düşəcəyinə dair heç bir gözləntimiz yoxdur”.
Alfa Bankın baş iqtisadçısı Natalia Orlova rublun 100 dollar həddində ticarət edəcəyinə inanırdı:
“Dekabrda Rusiya valyutası 90-95 dəhlizində olmaqla zəifləməyə davam edəcək və 2024-cü ildə 100-110 diapazonunda ticarət edəcək”.
Rusiya milli valyutasının xarici valyutaya nisbətdə niyə zəiflədiyini və ya möhkəmlənməsinin ən sadə izahı isə belədir:
İqtisadiyyatda ona tələbat daim dəyişir. İxracatçılardan rublla vergiləri və əmək haqqı, fərdi gəlir vergisi və sosial ayırmalar şəklində digər xərcləri ödəmək üçün əlavə valyuta həcmləri satmaq tələb olunmurdu.
Eyni zamanda, mövsümi, Yeni il qabağı faktor da rublun ticarətində rol oynaya bilər, çünki ənənəvi olaraq dekabr ayında idxalçı şirkətlər çoxlu mallar alırlar.
Maliyyə analitiki Sergey Drozdov düşünür ki, rublun zəifləməsinə səbəb bazardakı faktorlardır:
“Məzənnəni artırmaqla, yəni mümkün qədər sadələşdirilmiş şəkildə hərəkət etməklə, monetar orqanlar qiymətləri yalnız öz dəftərlərində aşağı salırlar, pərakəndə satışda isə yox.
Vaxtilə Rusiya Mərkəzi Bankı rublun zəifləməsi üçün yuxarı həddi 1 dollar üçün 102 səviyyəsində müəyyən etmişdi, lakin bu, aşağı limitlə işləməyəcək, çünki onu dövlət deyil, bazar “təyin edəcək”.
Martdakı seçkilərə qədər güclü rubla sahib olacağımız barədə çox danışılır. Bu yaxşı haldır, amma cəmiyyət, dövlət və bütövlükdə biznes indiki məzənnəyə uyğunlaşıb və böyük ehtimal var ki, yaxın aylarda bir dollar üçün 80-85-i görməyəcəyik”- deyə Drozdov yekunlaşdırıb.
Bizi sosial şəbəkələrdən izləyin!!
