Müəllif:Mehin Qasımova/Banco.az
Fərdi kompüter bazarının analitikləri süni intellekti (AI) sənaye üçün “xilaskar” adlandırıblar.
Banco.az xəbər verir ki, bu barədə Reuters agentliyində dərc olunmuş məlumatda bildirilib.
Bazar iştirakçılarının nümayəndələri süni intellektlə effektiv işləməyi bacaran kompüterlərin geniş yayıldığını elan ediblər.
"Süni intellektlə işləyən fərdi kompüterlərin meydana gəlməsi hesablama sənayesində dönüş nöqtəsidir. 2024-cü ildə süni intellektlə işləyən kompüterlərin satışa çıxması ilə fərdi kompüter bazarının böyüməsi gözlənir".
Ekspertlərin fikrincə, süni intellektə malik fərdi kompüterlərin qəbulu 2025-ci ilə qədər sürətlənəcək. Mütəxəssislər həmçinin 2027-ci ildə daxili süni intellekt dəstəyinə malik kompüterlərin bazar satışlarının 60 faizini təşkil edəcəyini proqnozlaşdırıblar.
Avqustun sonunda IDC analitikləri 2024-cü ildə fərdi kompüter bazarının bərpası və böyüməsini proqnozlaşdırıblar. Ekspertlər 2027-ci ildə güclü bazar artımını gözləyirlər.
Bizi sosial şəbəkələrdən izləyin!!
