Müəllif: Tamara Mustafayeva, Banco.az
Müasir marketinq strategiyasında mühüm yer tutan “təcrübə” faktorunu öz dizaynları ilə müştərilərinə təqdim edən dünyanın ən maraqlı restoranlarına gəlin yaxından nəzər salaq.
Banco.az xəbər verir ki, restoran biznesi son illərdə əsaslı dəyişikliyə məruz qalıb ki, bu gün müştərilərə yüksək səviyyədə xidmət təkcə yemək verməklə məhdudlaşmır. Çünki hər şeyin təcrübədən ibarət olduğu dövrümüzdə bizneslərin müştərilərinə “unudulmaz təcrübə” təqdim etmək məcburiyyəti yaranıb. Restoranların dizaynı və müştərilərinə təqdim etdikləri atmosfer bu təcrübə zəncirinin mühüm halqasıdır. Odur ki, gəlin birlikdə dünyanın müxtəlif yerlərində fəaliyyət göstərən ən qeyri-adi dizayna sahib restoranlarla tanış olaq.
Səmada şam yeməyi (Dinner in the sky)
Dünyanın bir çox müxtəlif şəhərlərində təşkil edilən “Səmada Şam yeməyi” təcrübəsindən bəhs etmək üçün bu maraqlı təcrübənin qonaqları 120 tonluq kranın köməyi ilə 150 fut hündürlüyə daşımaqla başladığı dilə gətirməliyik. Məsələn, Belçikadakı 32 nəfərlik restoran xüsusi qoşqu ilə hərəkət edir. Siz həmçinin Kuala Lumpur, Ər-Riyad və Sinqapur kimi şəhərlərdə də “Səmada Şam yeməyi” təcrübəsi ilə tanış ola bilərsiniz.
Dərində (Under)
2019-cu ildə Norveçin Lindesnes bölgəsində açılan Under Avropada xidmətə başlayan ilk sualtı restorandır. Şimali Atlantikanın buzlu sularında yerləşən bu yer norveç dilində həm "altında", həm də "möcüzə" mənasını verir. Möhtəşəm dəniz mənzərəsi ilə nahar etmək imkanı təqdim edən Under dənizdə yarı batmış şəkildə formalaşdırılmış dizaynı ilə diqqət çəkir.
İstirahət Zalı (The Chillout Lounge)
Şərqin geniş coğrafiyasında ilk iqlo restoranı olan Chillout Lounge 2007-ci ildən buzdan oyulmuş iqlolarda xidmət göstərir. İsti yeməklərlə yanaşı sendviçlər, sərinləşdirici içkilər, çay və kofe kimi delikateslər də təqdim edən məkan müştərilərinə dünyanın heç bir yerində rast gələ bilməyəcəkləri heyranedici təcrübə təqdim edir. Qeyd edək ki, belə bir restorana Dubaydakı Tayms Meydanında da (Times Square Center) rast gəlmək mümkündür.
Bizi sosial şəbəkələrdən izləyin!!
