Müəllif: Gülnar Əhmədli, Banco.az
Cari ilin avqust ayında Avrozonada işsizlik səviyyəsi 6,4%-ə enib. İyul ayında bu göstərici 6,5%-ə bərabər olub.
Banco.az xəbər verir ki, Avropa Statistika İdarəsi (Avrostat) avqust ayı üzrə Avropa İttifaqı (Aİ) və Avrozonanın işsizlik göstəricilərini açıqlayıb.
Məlumata görə, eyni dövrdə Aİ-də işsizlik nisbəti isə 5,9% təşkil edib.
Qeyd edək ki, ötən ilin avqustunda işsizlik səviyyəsi Avrozonada 6,7%, Aİ-də isə 6,1% olub.
Hesabat dövründə işsizlik nisbəti İspaniyada 11,5 faiz, Yunanıstanda 10,9 faiz, İsveç və Estoniyada 7,6 faiz, İtaliya və Fransada isə 7,3 faiz təşkil edib.
Bizi sosial şəbəkələrdən izləyin!!
