Müəllif: Tamara Mustafayeva, Banco.az
Almaniyanın ən böyük ticarət tərəfdaşı Çinə alternativ olaraq görülən Hindistanla ticarəti əhəmiyyətli dərəcədə artmaqdadır.
Banco.az xəbər verir ki, Almaniya Federal Statistika İdarəsinin (Destatis) məlumatına görə, Almaniyadan dünyada əhalinin ən sıx məskunlaşdığı ölkəsinə ixrac yanvar-iyul dövründə 21 faiz artaraq 9,9 milyard avroya çatıb.
Bununla da, Hindistan Almaniyanın ümumi ixracatında 1,1 faiz paya malik Braziliya (7,9 milyard avro) və Kanadanı (7,6 milyard avro) qabaqlayıb.
Qeyd edək ki, alman mallarının ən əhəmiyyətli alıcı ölkələri arasında 22-ci yerdə olan Hindistan Avropa İttifaqına (Aİ) daxil olmayan ölkələr arasında 9-cu yerdədir. Almaniyanın bu ilin 7 ayı ərzində Hindistana ixrac etdiyi ən əhəmiyyətli məhsullar 2,4 milyard avro dəyərində maşınqayırma və 1,2 milyard avro dəyərində kimya məhsulları olub.
Bizi sosial şəbəkələrdən izləyin!!
