Müəllif: Tamara Mustafayeva, Banco.az
BƏƏ-nin İqtisadiyyat naziri bəyan edib ki, ölkə 2030-cu ilə qədər ümumi daxili məhsulunu iki dəfə artıraraq 800 milyard dolları ötmək niyyətindədir.
Banco.az xəbər verir ki, Birləşmiş Ərəb Əmirliklərinin (BƏƏ) İqtisadiyyat naziri Abdullah bin Tuk əl-Mari ölkəsinin 2030-cu ilə qədər ümumi daxili məhsulunu iki dəfə artıraraq 800 milyard ABŞ dollarına çatdırmağı hədəflədiyini bildirib.
Nazir televiziya müsahibəsində aşağıdakı ifadələrdən istifadə edib:
“2030-cu ilin sonuna qədər iqtisadiyyatımızı iki dəfə artıraraq 3 trilyon dirhəmə (817 milyard dollar) çatdırmalıyıq.”
Nazir bildirib ki, bu məqsədə nail olmaq üçün ölkə illik 7 faizlik iqtisadi artıma nail olmalıdır.
Xatırladaq ki, BƏƏ-nin Rəqabət Qabiliyyəti və Statistika üzrə Federal Mərkəzinin açıqladığı rəqəmlərə görə, ölkə iqtisadiyyatı 2022-ci ildə 7,9 faiz artaraq 1,62 trilyon dirhəmə çatıb.
Bizi sosial şəbəkələrdən izləyin!!
