Müəllif: Tamara Mustafayeva, Banco.az
Türkiyə iqtisadiyyatı aprel ayında 5,4 milyard dollarlıq cari kəsirlə üzləşib.
Banco.az xəbər verir ki, Türkiyə Respublikası Mərkəzi Bankı (TCMB) aprel ayında ölkənin aylıq cari hesab kəsirinin 5,40 milyard dollar olduğunu açıqlayıb.
Bununla da, Türkiyə iqtisadiyyatı 18 ay ardıcıl olaraq aylıq cari kəsirlə üzləşib.
“Bloomberg” nəşrinin sorğusunda iştirak edən iqtisadçıların proqnozları cari hesab kəsirinin 4,38 milyard dollar səviyyəsində olacağı istiqamətində idi.
Qeyd edək ki, sözügedən dövrdə cari hesabın illik kəsiri isə 57,8 milyard dollara yüksəlib ki, bu da ötən 11 ilin ən yüksək göstəricisidir.
Bizi sosial şəbəkələrdən izləyin!!
