Müəllif - Aida İsaq, Banco.az
Eyni janrda olan filmlərə baxmaq artıq sizin üçün yorucu gəlirsə, BBC-nin may ayı üçün dərc etdiyi ən yaxşı seriallara nəzər sala bilərsiniz.
Banco.az xəbər verir ki, Arnold Şvartseneggerdən tutmuş Oskar mükafatçısı Miçeelle Yeohun yer aldığı siyahı ən iddialı serialları bir araya toplayıb. Sözügedən siyahının ilk beşliyinə daxil olan serialları təqdim edirik.
"American born Chinese"
Fantastik komediya Çin mifologiyasının elementləri fonunda insan həyatının yetkinlik dövrünə aid hekayədən bəhs edir. Serial Jin Wangın həm məktəbdə, həm də evdə yaşadığı çətin anları canlandırır.
"Platonic"
Bir vaxtların iki ən yaxın dostunun yollarının ayrılmasından sonra yenidən bir araya gəlməsindən bəhs olunur.
"High Desert"
Serialda hadisələr həyatının çox hissəsini narkotik satıcısı kimi keçirmiş Peggy Nevmanın yaşadığı kiçik şəhərdə şəxsi detektiv kimi işləməyə məcbur olması fonunda baş verir.
“City on Fire”
Açılış səhnəsində Nyu-Yorkun "Centrak Park"ında gənc qadın başından vurulur. Daha sonra serialda bir neçə həftə geriyə qayıdılaraq terapevtlə keçən söhbət ilə davam edir.
"Class of 09"
2009-cu ildə Quantico təlim mərkəzindən məzun olan və bir dostunun ölümündən sonra yenidən bir araya gələn bir qrup FTB agentini izləməyə başlayır.
Bizi sosial şəbəkələrdən izləyin!!
