Azərbaycanda bəzi yeni xidmətlərin tətbiqi vergi qanunvericiliyinə könüllü əməletmə səviyyəsinin yüksəldilməsinə xidmət edəcək.
Bunu İqtisadiyyat Nazirliyi yanında Dövlət Vergi Xidmətinin rəisi Orxan Nəzərli “Heydər Əliyev və Azərbaycanın vergi sistemi: yeni çağırışlara doğru” mövzusunda keçirilən konfransda çıxışı zamanı deyib.
O qeyd edib ki, hazırda İnternet Vergi İdarəsinin elektron portalının yenilənməsi layihəsi üzərində iş aparılır: “Portalda yeni, müasir standartlara uyğun, vergi ödəyiciləri üçün daha sadə və əlçatan elektron kabinet olacaq”.
Onun sözlərinə görə, elektron kabinet üçün mobil tətbiqin yaradılması istiqamətində işlər aparılır: “Bu, vergi ödəyiciləri üçün bir sıra əməliyyatların aparılmasını, internet vergi idarəsindən istifadəni asanlaşdıracaq, vergilər, sosial sığorta və icbari tibbi sığorta üzrə öhdəliklərin vaxtında icrasını təmin edəcək”.
report
Bizi sosial şəbəkələrdən izləyin!!
