Müəllif: Tamara Mustafayeva, Banco.az
Avropada təbii qazın qiyməti ötən 5 ayda 83 faiz ucuzlaşıb.
Banco.az xəbər verir ki, Avropada təbii qazın qiyməti ötən 5 ayda qışın mülayim keçməsi və anbarlarda doluluq nisbətinin yüksək olması səbəbindən 83 faiz geriləyib.
Hollandiyada yerləşən virtual təbii qaz ticarət birjası “TTF”də satılan təbii qazın meqavat/saat qiyməti 2023-cü ilin fevral ayı fyuçersləri üzrə 58,4 avroya düşüb.
Xatırladaq ki, pandemiya zamanı tələb-təklif balanssızlığı səbəbindən ortaya çıxan və Rusiyanın Ukraynada başlatdığı müharibədən sonra dərinləşən enerji böhranı Avropada təbii qaz qiymətlərini rekord həddə çatdırmışdı. Belə ki, 2021-ci ilin avqustunda meqavat/saat üzrə 25 avro olan təbii qaz fyuçerslərinin qiyməti 2022-ci ilin avqustunda 342,8 avroya satılmışdı.
Bizi sosial şəbəkələrdən izləyin!!
