Müəllif: Tamara Mustafayeva, Banco.az
“YouTube” serial və filmlərin platformada yayımlanması üçün media şirkətləri ilə danışıqlara başlayıb.
Banco.az xəbər verir ki, “Netflix”, “Disney+” və “Amazon Prime” kimi məzmun platformalarının bazara daxil olması ilə “YouTube” prioriteti itirməsə də, sənayedəki rəqabətin təsirindən yayına bilməyib.
Bu səbəbdən yeni addım atmağa qərar verən video-yayım nəhəngi serial və filmləri platforma daxilində yayımlamaq üçün media şirkətləri ilə görüşməyə başlayıb.
Danışıqların nəticəsi müsbət olarsa, “YouTube” tərəfindən yayımlanacaq məzmunda reklamlar da olacaq. Bununla yanaşı, “YouTube” öz istifadəçilərinə serial və filmlərlə yanaşı, televiziya şoularının da daxil olduğu geniş çeşidli məzmun təqdim edəcək.
Bizi sosial şəbəkələrdən izləyin!!