Müəllif - Aida İsaq, Banco.az
Polşanın dəmir yolu şirkətləri gediş haqqını bahalaşdırıb.
Banco.az xəbər verir ki, bu elektrik enerjisi xərclərinin artması fonunda baş verib. Beləliklə, yanvarın 11-dən etibarən bəzi qatarların biletlərində gediş haqqı 10% artacaq. Bahalaşma fonunda Varşavanın mərkəzi vağzalında aparılan sorğuda iştirakçıların əksəriyyəti digər nəqliyyat növlərindən istifadə etməyə başlayacaqlarını bildirib. Çünkü, insanlar artıq müvafiq nəqliyyat növünün sərfəli olmadığını düşünür.
“Intercity”nin məlumatına görə, birjada elektrik enerjisi qiymətləri 62%-dən çox artıb. Bunun isə əksər xidmət sektorlarında və şirkətlərdə də qiymətlərə öz təsirini göstərəcəyi bildirilir. Bununla yanaşı, Polşada enerji böhranı nəticəsində 2023-cü ildə yoxsulluq səviyyəsinin kəskin artacağı proqnozlaşdırılıb. Çünki mənzil xərclərində kəskin formada yaranacaq bahalaşma sakinlərin əksəriyyəti üçün həyat şəraitinin pisləşməsinə gətirib çıxaracaq.
Bizi sosial şəbəkələrdən izləyin!!
