Müəllif: Tamara Mustafayeva, Banco.az
Onlayn video konfrans tətbiqi “Zoom” işçilərinin 15 faizinin işdən çıxarılacağını açıqlayıb.
Banco.az xəbər verir ki, bu barədə “Zoom”un CEO-su Erik Yuan işçilərə mesajında qeyd edib.
Onun sözlərinə görə, şirkət qlobal iqtisadiyyatın qeyri-müəyyənliyinə və bu vəziyyətinmüştərilərə təsirinə uyğunlaşmalıdır.
"Komandamızı təxminən 15 faiz azaltmaq və 1300-ə yaxın çalışqan, istedadlı həmkarımızla vidalaşmaq üçün olduqca çətin, lakin zəruri bir qərara gəldik”, deyə Yuan bildirib.
O həmçinin “Zoom”un ötən bir neçə ildə dünya miqyasında tanınan brendə çevrildiyinə, eləcə də müəssisələr və fərdlər üçün əvəzsiz əlaqə mənbəyi hesab edildiyinə diqqət çəkərək Kovid-19 pandemiyasının dünyanı təsiri altına aldığı ilk 24 ay ərzində şirkətin tələbi idarə etmək üçün 3 dəfə artım böyüdüyünü vurğulayıb.
Bizi sosial şəbəkələrdən izləyin!!