Müəllif:Gülbəniz Hüseynli/Banco.az
Son üç ildə avropalılar büdcələrinin yarıdan çoxunu kiçildiblər.
Banco.az-ın məlumatına görə, Avropada aparılan yeni bir araşdırmaya əsasən, ev təsərrüfatlarının demək olar ki, üçdə biri qiymətlərin artması səbəbindən öz maliyyə vəziyyətindən azalmalara getməyə məcbur olub.
Ipsos-un 10 min adam arasında apardığı araşdırmaya görə, son üç ildə alıcılıq qabiliyyəti də aşağı düşüb.
Hər iki avropalıdan biri hesab edir ki, qiymət artımı və nisbətən durğun maaşlar səbəbindən yaxın bir neçə ayda maddi baxımdan çətin vəziyyətə düşmə riski yüksəkdir.
Əhalinin yalnız 15 faizi yaxşı şəraitdə yaşadıqlarını və gündəlik xərclərinə fikir verməyə ehtiyac duymadıqlarını bildiriblər.
"Çətin maliyyə şərtləri radikal qərarlar qəbul etməyə məcbur edir"
Tədqiqat göstərir ki, demək olar ki, bütün sektorlarda yüksək inflyasiya səbəbindən, yeməkdən imtina da daxil olmaqla, bu kimi "sərt qərarlar" qəbul edilir. Yunanıstan və Moldova kimi ölkələrdə bu göstərici daha yüksəkdir.
Ailə büdcəsinə qənaət çərçivəsində istilik yandırmamaq, borc götürmək və artan xərclər qarşısında sağlamlıq problemlərinin müalicəsini gecikdirmək də daxildir.
İyun ayında Joseph Rowntree Foundation (JRF) tərəfindən aparılan sorğuya əsasən İngiltərədə 5,7 milyon aztəminatlı ailənin qida üçün kifayət qədər pulunun olmadığı müəyyən edilib.
Sorğuda iştirak edənlərin 38 faizi artıq müntəzəm olaraq gündə üç dəfə yemək yeyə bilməyəcəklərini bildirsə də, yalnız 42 faizi səhər yeməyi, nahar və şam yeməyini atlamadıqlarını bildirib.
Əksəriyyət inflyasiya ilə mübarizə aparmaqdan narahatdır
Avropanın inflyasiya göstəriciləri 2022-ci ildə üç dəfə artıb. Son bir ildə mənzil, su, qaz və digər xərclərdə artım 18 faizə çatıb.
ECB-nin sorğusuna görə, 12 aylıq inflyasiya gözləntisi 4 faizlə 5 ayın ən yüksək səviyyəsində qalıb, 3 illik inflyasiya gözləntisi dəyişməyərək 2,5% olub.Noyabrda inflyasiya 2,4 faizə enərkən, ECB rəsmilərinin yaxından izlədiyi əsas inflyasiya 3,6 faizə düşüb.
Məlumat üçün bildirək ki, iyulda Avropa Mərkəzi Bankı əsas faiz dərəcələrini ardıcıl olaraq 9-cu dəfə artıraraq Avrozona üçün 3.75%-də saxlamışdı.
Bizi sosial şəbəkələrdən izləyin!!
