Müəllif: Gülnar Əhmədli, Banco.az
Yelo Bank-ın xalis mənfəəti 2024-cü ilin ilk rübündə (yanvar-mart ayları) 3,4 dəfə artaraq 14 milyon 125 min manata çatıb.
Banco.az bankın maliyyə hesabatına istifadən xəbər verir ki, 2023-ci ilin eyni dövründə Yelo Bank-ın mənfəəti 4 milyon 123 min manat təşkil edib.
2024-cü ilin birinci rübünün sonunda bankın cəmi aktivləri 1 milyard 130 milyon 811 min manat olub, bu da 2023-cü ilin yanvar-mart ayları ilə müqayisədə 300,5 milyon manat, yəni 36,2% artım deməkdir.
Hesabat dövründə bankın həm kredit, həm də əmanət portfeli böyüyüb.
Birinci rübdə Yelo Bank-ın ümumi kredit portfeli ötən ilin analoji dövrü ilə müqayisədə 162 mln. 757 min manat və ya 25,4% artaraq 802,5 milyon manat təşkil edib.
Qeyd edək ki, bankın depozit portfeli ötən ilin eyni dövrü ilə müqayisədə 260,4 milyon manat (45,1%) artaraq 837 milyon 248 min manata yüksəlib.
Bizi sosial şəbəkələrdən izləyin!!
