Rusiyanın Baş nazirinin müavini Arkadiy Dvorkoviç yaxın üç ildə neftin qiymətlərinin 50-70 dollar civarında olacağını deyib.
Banco.az "AZƏRTAC"a istinadən xəbər verir ki, A.Dvorkoviç bu sözləri "Rossiya-24" kanalına verdiyi müsahibəsində deyib. Bildirib ki, neft qiymətləri çox qısa müddətlik 30-35 dollar səviyyəsinə düşə bilər. Həmçinin, qiymətlərin 100 dollara da yüksəlmə ehtimalı var. Hər iki ehtimalı da nəzərə alsaq neft qiymətlərinin qarşıdakı 3 il ərzində 50-70 dollar civarında olacaq və əsasən də bu rəqəmlər aralığında dəyişəcək.
