Müəllif - Aida İsaq, Banco.az
Yaponiyanın tikinti və dağ-mədən avadanlıqları istehsalçısı “Komatsu” Rusiya bazarını tərk etmək niyyətində deyil.
Banco.az xəbər verir ki, şirkətin baş direktoru hazırda bu məsələnin gündəmdə olmadığını bildirib.
Xatırladaq ki, fevralın 24-də Ukraynada hərbi əməliyyatların genişləndirilməsi fonunda yapon şirkəti Rusiyaya avadanlıq tədarükünü dayandırıb. Bununla yanaşı, şirkət hələ də ölkədə avadanlıqların təmir xidmətlərini həyata keçirməyə davam edir. Aprelin 8-də Yaponiyanın tikinti avadanlığı istehsalçısı “Komatsu” Rusiyadakı zavodunda istehsalı dayandırıb.
Qeyd edək ki, adıçəkilən şirkət Ukraynaya 1 milyon avro maliyyə yardımı da ayırıb.
Bizi sosial şəbəkələrdən izləyin!!