Müəllif: Tamara Mustafayeva, Banco.az
Keçmişdə çox sürətli artım rəqəmlərinə nail olaraq uzun illər yüksək rifah səviyyəsini qoruyub saxlayan Yaponiya son illərdə iqtisadi çətinliklərlə üzləşib.
Banco.az xəbər verir ki, “Moody’s Analytics”ə görə, Yaponiya iqtisadiyyatı ilin ikinci yarısında mənfi ticarət şərtləri və zəif daxili tələbat səbəbilə getdikcə artan çətinliklərlə üzləşəcək. İkinci rüb üzrə ÜDM göstəricilərində mümkün yuxarıya doğru korrektəyə baxmayaraq, istehsal və istehlakçı xərclərindəki əsas problemlərin davam edəcəyi gözlənilir.
İqtisadçı Deyv Çia qeyd edib ki, ikinci rübdə ÜDM-də müşahidə oluna biləcək müvəqqəti artım Yaponiyanın üzləşdiyi gömrük rüsumları və xarici rəqabət kimi problemləri gizlətmir.
Çianın sözlərinə görə, xüsusilə 15 faizlik yeni ABŞ tarifləri ilin ikinci yarısında ixracı və sənaye istehsalını əhəmiyyətli dərəcədə mənfi təsirləyə və ÜDM-dən ən azı 0,5 bənd azalda bilər. Daxili tələbatın da inflyasiyanın əməkhaqqı artımlarını üstələməsi və hökumətin iri layihələrlə bağlı gecikmələri səbəbindən şirkətlərin investisiya təşəbbüslərində çətinliklər yaşaması ucbatından mühüm dəstək verməsi gözlənilmir.
Bu çətin iqtisadi mühitin Yaponiya Mərkəzi Bankını (BoJ) 2025-ci ilə qədər mövcud siyasət kursunu davam etdirməyə məcbur edəcəyi proqnozlaşdırılır.
İkinci rüb üzrə yekun ÜDM rəqəmləri 8 sentyabrda açıqlanacaq.
Bizi sosial şəbəkələrdən izləyin!!
