Müəllif: Ayşən İmanova, Banco.az
“WhatsApp” istifadəçilərə daha sonra yarımçıq mətnlərə qayıtmağa imkan verən, çoxdan gözlənilən mesajların qaralamada saxlanması funksiyasını təqdim edib.
Banco.az xəbər verir ki, bu barədə “The Verge” məlumat yayıb.
Artıq istifadəçi mesaj yazmağa başlayanda, lakin onu göndərmədikdə, “WhatsApp” qalın yaşıl şriftlə “Qaralama” sözünü, ardınca isə daxil edilmiş mətni göstərəcək. Bu, istifadəçiyə vacib mesajları itirməməyə və əlverişli olduqda onları tamamlamağa kömək edəcək.
Bundan əlavə, qaralamalar söhbət siyahısının yuxarısında görünəcək, beləliklə onları tapmaq asan olacaq. Bu funksiya artıq bütün dünyada “Android” və “iOS” müştərilərində mövcuddur.
İyul ayında “WhatsApp” ABŞ-də aylıq 100 milyon aktiv istifadəçiyə çatıb. Ümumiyyətlə, nəşr qeyd edir ki, bu il xidmət bir sıra yeni faydalı funksiyalar, o cümlədən daxili ünvan kitabçası və söhbətlərin təşkili üçün fərdi siyahılar əldə edib.
Qeyd edək ki, “WhatsApp” “Meta” şirkətinə məxsus Amerikanın pulsuz ani mesajlaşma və IP üzərindən səs xidmətidir. Xidmətdən hər ay bütün dünyada bir milyarddan çox insan istifadə edir.
Bizi sosial şəbəkələrdən izləyin!!
