Müəllif: Mehin Qasımova/Banco.az
İsveçə məxsus elektrik yük maşını istehsalçısı "Volta Trucks" iflas elan edəcəyini açıqlayıb.
Banco.az xəbər verir ki, batareya təchizatı ilə bağlı qeyri-müəyyənliklər şirkətin kifayət qədər kapitala çıxışını çətinləşdirdikdən sonra "Volta Trucks" rəhbərliyi iflas elan etmək üçün lazımi addımları atmağa qərar verib.
Şirkətdən verilən açıqlamaya görə, Volta Trucks-ın akkumulyator təchizatçısı Proterra-nın iflas üçün müraciət etməsi şirkətin istehsal planlarına mənfi təsir edib və istehsalda nəzərdə tutulan həcmlərə çatmaq mümkün olmayıb.
Elektrik yük maşınları istehsal edən şirkətin 600-ü Böyük Britaniyada olmaqla təxminən 850 işçisi var.
Qrupun əsas ticarət qurumu olan "Volta Trucks Limited" də tezliklə Böyük Britaniyada müflis olmaq üçün müraciət edəcək.
Bizi sosial şəbəkələrdən izləyin!!
