Visa şirkəti Bakıda ilk Visa Cashless Forum keçirir | Banco.az

Visa şirkəti Bakıda ilk Visa Cashless Forum keçirir

Visa şirkəti Azərbaycan Mərkəzi Bankı Azərbaycan Respublikasının İqtisadi İslahatların Təhlili və Kommunikasiya Mərkəzinin və Azərbaycan Banklar Assosiasiyasının dəstəyi ilə Bakıda Visa Cashless Forum keçirir.

Fevralın 12-də Azərbaycanda "Driving the Future" ("Gələcəyi yaxınlaşdıraraq") mövzusu altında ilk Visa Cashless Forum keçiriləcək.

Visa Cashless Forum - Visa şirkətinin MDB və Cənub-Şərqi Avropa regionunda  ən qabaqcıl tədbirlərdən biridir, hansı ki, rəqəmsal ödənişlər sahəsində olan mütəxəssisləri, maliyyə texnologiyasının təmsilçilərini, ticarət və xidmət təşkilatlarını, ödəniş xidmətlərinin təchizatçılarını və nizamlayıcılarını birləşdirir. Forum müasir tendensiyaları, çağırışları, imkanları, nəğdsiz ödənişlər və ödəniş innovsiyalar  sahəsinin inkişaf və artımının əsas istiqamətlərini müzakirə etmək üçün bir meydan rolunu oynayır.

Forum ilk dəfə 2017-ci ildə Ukraynada keçirilib. Daha sonra Visa Cashless Forum-u Qazaxıstan, Serbiya və Belarusda keçirilmişdir. Ukraynada keçirilmiş 2019 Visa Cashless Forum 2019-cu ildə maliyyə sektorunun nümayəndələri üçün ən yaxşı tədbir kimi tanınmış və PaySpace Award 2019 mükafatına layiq görülmüşdür LİNK

Bu il Bakıda keçiriləcək Visa Cashless Forum-un spikerlərin və iştirakçilərin diqqət mərkəzində müasir ödəniş ekosistemini formalaşdıran tendensiyalar və onların istehlakçılara və biznesə təsir edən yolları olacaq:

  • innovativ ödəniş həlləri;
  • rəqəmsal transformasiya və "smart" ölkə;
  • emosional bankçılıq və müasir istehlakçılar;
  • bank sektorun gələcəyi : ənənəvi banklar və neobanklar;
  • Rəqəmsal bankçılığın fərqli inkişaf yolları;
  • nağdsız ödənişlər sektorunun inkişafının katalizator kimi tənzimlənməsi.

Forum panel müzakirələri, debatlar, yerli və beynəlxalq məruzəçilərin, o cümlədən aşağıdakıların iştirakı ilə əsas çıxışlar və praktiki təcrübəni əks etdirən təqdimatlar kimi bir neçə interaktiv formatda keçir:

  • Alim Quliyev, Azərbaycan Respublikası Mərkəzi Bankının İdarə Heyəti Sədrinin Birinci Müavini
  • Vüsal Qasımlı, İqtisadi İslahatların Təhlili və Kommunikasiya Mərkəzinin İcraçı Direktoru
  • Nicat Əsədli, Azərbaycanın Rəqəmsal Ticarət Qovşağının Meneceri
  • Zakir Nuriyev, Azərbaycan Banklar Assosiasiyasının Prezidenti
  • Elmir Həbibullayev, Azərbaycan Beynəlxalq Bankının İdarə Heyəti Sədrinin Müavini
  • Cəlal Orucov, PAŞA Bank, Baş Əməliyyat İnzibatçısı
  • Faiq Hüseynov, Unibank-ın İdarə Heyətinin Sədri
  • Elnur Həsənov, Bank Respublika, İdarə Heyəti Sədrinin müavini
  • Samir Məmmədov , Kapital Bank Marketing Departamentinin Direktoru
  • Natalya Kadya, Danavych Law şirkətinin hüquqi tərəfdaşı, neyromenecment üzrə mütəxəssis, liderlik bacarığı inkişafı üzrə ləlimçi, Ukrayna
  • Serqey İşkov, Boston Consulting Group, idarəedici direktor və tərəfdaş
  • Arkadiy Qerşman, urbanist, Rusiya
  • Uttam Nayak, Baş Vitse-prezident, əlavə xidmət növləri və Visa Direct, Mərkəzi Avropa, Yaxın Şərq və Afrika regionu, Visa 
  • Salvador Peres-Qalindo, hökumətlər ilə əlaqələr üzrə Vitse-prezident, Mərkəzi Avropa, Yaxın Şərq və Afrika regionu, Visa
  • Vira Platonova, MDB və Cənub-Şərqi Avropa regionu üzrə Baş Vitse-prezident və Baş Menecer, Visa
  • Kristina Doroş, Qafqaz regionu üzrə Regional Menecer, Visa
  • Roman Qorbenko, müştəri məhsulları departamentinin Direktoru, Visa Rusiya
  • Andrey Aleykin, Baş Direktor, rəqəmsal həllər, Visa CISSEE
  • Svyatoslav Senyuta, Baş Direktor, dövlət orqanları ilə əməkdaşlıq departamentinin rəhbəri, Visa CISSEE
  • Yevgeni Lesnyak, MDB və Cənub-Şərqi Avropa regionunun strateji tərəfdaşlıq və maliyyə texnologiyaları üzrə Baş Direktoru, Visa CISSEE

Biz Qafqazda ilk Visa Cashless Forum Azərbaycanda aparılması imkanından səmimi qəlbdən sevinc və qürur hissi keçiririk. Visa'da sənaye iştirakçıları arasında açıq bir dialoqun vacibliyini başa düşürük. Forum məhz tərəfdaşlarımızla səmərəli qarşılıqlı əlaqə qura biləcəyimiz, bilik və təcrübə mübadiləsi aparmağımız, ən son texnologiyalar və istehlak meyllərini müzakirə edə biləcəyimiz, ölkə iqtisadiyyatı və sənayesinin xeyri üçün nəğdsiz ödənişlər və innovasiyaların inkişafı naminə birgə işlərin əməkdaşlığı üçün həll yollarının tapılması və əsas istiqamətlərini müəyyənləşdirən platformadır  "  - Visa "nın Qafqaz regionu üzrə regional meneceri Kristina Doroş qeyd edib.

Azərbaycanda Visa Cashless Forum 2020 media tərəfdaşlığı informasiya xəbər agentlikləri Trend.az və Report.az ilə birlikdə keçiriləcəkdir

Daha ətraflı məlumat əldə etmək üçün, Azərbaycanda Visa Cashless forumunda iştirak edin və Visa-nın Facebook səhifəsindəki müzakirələri izləyin LİNK

#VisaCashlessForum, #CashlessAzerbaijan, #VisaDrivingTheFuture

Vısa şirkəti haqqında məlumat

Visa Inc. (NYSE: V) rəqəmsal ödənişlər sahəsində dünya lideridir. Bizim missiyamız dünyanı ən yenilikçi, etibarlı və təhlükəsiz ödəniş şəbəkəsi vasitəsilə birləşdirməkdir ki, bu da istehlakçılara, biznesə və iqtisadiyyata ümumilikdə planlı şəkildə inkişaf etməyə imkan verir. Ən son qlobal texnologiya şəbəkəmiz VisaNet bütün dünyada etibarlı və təhlükəsiz ödənişləri təmin edir və saniyədə 65 000-dən çox əməliyyatı həyata keçirə bilər. Visa şirkəti innovasiyalara böyük diqqət yetirir ki, bu da "connected commerce" adlı sürətli inkişaf katalizatorudur, bu şərtlər altında istənilən qoşulmuş qurğu ödənişləri həyata keçirə bilər və bununla da hamı üçün və hər yerdə nağd pul olmadan gələcəyə keçidi yaxınlaşdırır. Analoji texnologiyalardan rəqəmsal texnologiyaya keçid baş verdikcə, Visa ticarətin transformasiyası üçün öz brendindən, məhsullarından, ekspertlərindən, şəbəkəsindən və miqyasından istifadə edir. Daha ətraflı məlumat üçün aşağıdakı internet səhifələrinə müraciət edin  usa.visa.com, www.visasoutheasteurope.com, www.visa.com.az/ru_AZ, www.facebook.com/visaazerbaijan.

KİV sorğuları üçün

Anna Serdyuk

Visa şirkətinin MDB və Cənub-Şərqi Avropa regionunda Korporativ Kommunikasiyalar üzrə Direktoru 

+38 044 390 52 62

[email protected]

 

Ən sərfəli kredit üçün müraciət et

Ən sərfəli krediti almaq üçün müraciət et