Əksər insanların uğura gedən yolda bir sıra vərdişləri vardır. Uğur əldə etmiş insanlara bu cür olmaqda kömək edən vərdişləri və hərəkətləri araşdırdıq. Onları digərlərindən fərqləndirən 5 vacib şey bunlardır:
- Uğurlu insanlar işə gedərkən sadəcə vaxtını keçirmək deyil, arzularını, hədəflərini gerçəkləşdirmək və həyata keçirmək niyətində olurlar. Uğursuz insanlar isə işlərinə daha laqeyd olurlar, bütün bacarıqlarını reallaşdırmaq əvəzinə iş vaxtının tezliklə bitməsini istəyirlər.
- Asan olanı deyil, çətin olanı edirlər. Uğursuz insanlardan fərqli olaraq rahat olanı seçmirlər, daha çox çalışmağa və çətinliklərə sinə gəlməyə meyilli olurlar.
- Bəhanə gətirmirlər. Təəsüf etmək və bəhanə gətirmək vəziyyəti dəyişmir, yanlış gedən bir şey varsa bəhanə gətirmək bunu dəyişməyəcək. Uğurlu insanlar isə yanlışları doğruya gedən yol kimi görürlər.
- Bu insanlar günlük hədəflərini müəyyən edirlər və onların gerçəkləşdirilməsinə fokuslanırlar. Nə etmək istədiklərini bilməyən insanlardan fərqli olaraq, məqsədlərini çox yaxşı bilirlər.
- Səhv etməkdən qorxmurlar. Əgər risk azdırsa, sonda əldə ediləcək uğur da çox olmayacaq. İnsanların mühakiməsindən və uduzmaq riskindən qorxan insanlar qalibiyyətin dadını da hiss edə bilməyəcəklər.
Bütün bunları etməklə müvəffəqiyyət əldə edən insanlardan biri də siz ola bilərsiniz.
