Müəllif: Tamara Mustafayeva, Banco.az
Türkiyədə “Qara Cümə” tendensiyasına maraq bu il daha da artıb.
Banco.az xəbər verir ki, maliyyə texnologiyaları şirkəti “Sipay” tərəfindən açıqlanan məlumatlara görə, “Qara Cümə” dövründə edilən alış-veriş əməliyyatlarının həcmi əvvəlki ilə nəzərən 3,5 dəfə, sayı isə təxminən 2 dəfə artıb.
Ötən il əhalinin ən çox maraq göstərdiyi ilk 3 kateqoriya geyim, qida və kosmetika olduğu halda, bu il kosmetika siyahının ilk pilləsinə yüksəlib. Kosmetika kateqoriyasını geyim və elektronika izləyib.
Cümə günü alış-verişin ən pik vaxtı isə Türkiyə saatı ilə 16:00-21:00 arası olub.
Qeyd edək ki, siyahıya sığorta sənayesi də daxil olub. Bunu “Sipay” şirkətinin icraçı direktoru Semih Muşabak mövzu ilə bağlı qiymətləndirmə edərkən bildirib.
Bizi sosial şəbəkələrdən izləyin!!
