Türkiyədə keçirilmiş bələdiyyə seçkisinin nəticələri Türk Lirəsinin Dollar qarşısında təxminən 2%-dən çox ucuzlaşması ilə nəticələnib.
Dünən Türkiyədə keçirilmiş bələdiyyə seçkisində ən çox səsi Prezident Rəcəb Tayyib Ərdoğanın rəhbərlik etdiyi Ədalət və İnkişaf Partiyası (Ak Parti) toplasa da, Prezidentin partiyası ölkənin 3 böyük şəhərindən 3-də də (İstanbul, Ankara və İzmirdə) uduzub.
Seçki nəticələrindən məyus olmuş şəkildə çıxış etmiş Ərdoğan, "Siz qiymətli qardaşlarımdan bir şeyi xahiş edirəm. Əsla küsməyin, üzülməyin… "Biz bu nəticəni gözləmirdik" deməyə ehtiyac yoxdur. Bu seçkinin birinci partiyası "AK Parti"dir. Digərləri düşünsün" deyib.
Bakı vaxtı ilə saat 12:05-ə olan məlumata görə, Dollar/TL məzənnəsi 2,3% artımla 5.6968 səviyyəsində, Avro/TL məzənnəsi isə 2,4% artımla 6.4102 səviyyəsində olub.
Türkiyə Seçki Komissiyasının (YSK) sədri Ekrem İmamoğlunun İstanbulda öndə olduğunu açıqlayıb. YSK Sədri Sadi Güven "Bu an etibarilə Ekrem İmamoğlu 4 milyon 159 min 650, Binali Yıldırım 4 milyon 131 min 761 səs toplayıb",- deyib.
Marja
