Müəllif:Mehin Qasımova,Banco.az

Trampın tariflərindən sonra neftin qiyməti aşağı düşüb.

Banco.az xəbər verir ki, təhlilçilər qiymətlərin aşağı düşməsini prezident administrasiyasının idxal rüsumlarının tətbiqi qərarı ilə əlaqələndirirlər ki, bu da tədarük zəncirlərinin sabitliyini pozmaq, inflyasiyanı artırmaq və hər il başqa ölkələrdən ABŞ-a göndərilən trilyonlarla dollarlıq malların qiymətini yüksəltmək təhlükəsi yaradan “qlobal ticarət sisteminə ən güclü zərbə” olub.

Londonun ICE Futures birjasında Brent markalı neftin iyun fyuçersləri  73,18 dollar/barelə satılır ki, bu da əvvəlki sessiyanın bağlanış səviyyəsindən 1,77 dollar (2,36%) aşağıdır. Çərşənbə günü bu kontraktlar 0,46 dollar (0,6%) artaraq 74,95 dollar/barel olub.

Nyu-York əmtəə birjasında (NYMEX) elektron hərraclarda may ayı üçün WTI markalı neftin fyuçersləri bu vaxta qədər 1,8 dollar (2,51%) ucuzlaşaraq bir barel üçün 69,91 dollar təşkil edib. Əvvəlki sessiyanın yekunlarına görə, bu müqavilələrin dəyəri 0,51 dollar (0,7%) artaraq bir barel üçün 71,71 dollar təşkil edib.

Trampın qərarından sonra Amerika səhmləri də ucuzlaşıb- S&P 500 indeksi (ən böyük şirkətlər) üzrə fyuçerslər 3,3 faiz, Nasdaq 100 üzrə fyuçers 4,2 faiz, Russell 2000 üzrə isə demək olar ki, 5 faiz ucuzlaşıb.